Юныя праграмісты школы спаборнічалі ў стварэнні гульняў у Астрошыцкай СШ

Адкрыты хакатон "Зрабі гульню - зрабі сябе" прайшоў у суботу, 6 красавіка, у сярэдняй школе аграгарадка Астрошыцы Лагойскага раёна. Удзел у спаборніцтве па scratch-праграмаванні прынялі больш за 80 хлопчыкаў і дзяўчынак з 3-5 класаў, сярод якіх было пяцёра ўдзельнікаў нашай школы. Падтрымку ў правядзенні хакатона аказаў Мінскі цэнтр распрацоўкі гульні "Свет Танкаў" кампанія "Гейм Стрым". 

Для юных праграмістаў старшакласнікі-валанцёры арганізавалі экскурсію па школе, яны расказалі не толькі аб сваёй установе адукацыі, але і аб гісторыі Лагойскага краю і родных Астрошыц.

Самі спаборніцтвы складаліся з некалькіх этапаў. Падрабязна пра іх хлопцам пасля ўрачыстага адкрыцця расказала Наталля Курсава. Правядзенне хакатонаў - гэта яе ідэя, якую яна паспяхова ўвасабляе ў жыццё з 2017 года.

Аўтар ідэі адукацыйнага хакатона нагадала, што для паспяховага стварэння гульні патрэбна каманда з геймдызайнера, праграміста і мастака. Яна зрабіла акцэнт на тым, што будзе ацэньвацца геймплэй, арт і код. Былі да гульняў вылучаны і пэўныя патрабаванні. Яны павінны валодаць застаўкай, гульнявым узроўнем, навучальнай часткай або гісторыяй, паведамленнем аб выніку гульні. Пасля брыфінгу адбыўся пітч ідэй. Юныя распрацоўшчыкі прапаноўвалі розныя гульнявыя сюжэты.

Калі ўсе ідэі былі агучаныя, пачалося дзяленне на каманды. Адбывалася яно па прынцыпе дзіцячай біржы працы. Камусьці патрэбен быў мастак, камусьці не хапала геймдызайнера. У выніку рабяты з розных рэгіёнаў Міншчыны і не толькі аб'ядналіся ў каманды, пазнаёміліся і прыступілі да ўвасаблення сваіх ідэй.

Ад нашай школы былі створаны 2 каманды, у другую каманду далучыўся хлопчык з Лагойскай школы №1.

Хакатон прайшоў цікава, і хоць у фінал каманды не выйшлі, але былі адзначаны за геймдызайн.