Гісторыя
У 1928 годзе наша ўстанова ўпершыню пачала ажыццяўляць адукацыйны працэс. На той момант яна мела статус сямігадовай школы. Знаходзілася ў драўляным будынку з пячным атапленнем.
1930-я гг. - у школе вучылася каля 150 вучняў, якія хадзілі ў школу з хутароў Ляжня, Тур'я, вёсак Ніўкі, Рудня, Гасцілавічы, пасля 4-х класаў - з Панізоўя.
У пачатку 1942г. школу спалілі партызаны, таму што ў будынку планавалі размясціць нямецкіх салдат, якія прыязджалі з фронта на адпачынак.
1944г. - дзеці ізноў пайшлі ў школу. Вучыліся ў наёмных прыстасаваных памяшканнях. Загадчыцай школы ў той час была Сакалоўская Зінаіда Сцяпанаўна.
З 1 снежня 1945г. загадчыкам школы працаваў Каптуровіч Сцяпан Іванавіч. Школа была пачатковай, займалася ў ёй 240 чалавек.
1949г. - пабудавана драўляная школа на тры класныя пакоі. У школе месцаў не хапала, таму займаліся яшчэ ў 4-х наёмных памяшканнях. Дырэктарам школы быў Клімчык Пётр Георгіевіч. Пры ім школа стала сямігодкай.
1953-1977гг. - дырэктарам школы быў Грахоўскі Іван Ігнатавіч. Пры ім былі пабудаваны яшчэ 4 класныя памяшканні.
1962г. - школа стала васьмігадовай.
1968г. - школа рэарганізавана ў дзесяцігодку.
1990г. - пачалося будаўніцтва новай школы на 198 месцаў.
1991г. - пачала працаваць сярэдняя агульнаадукацыйная школа.
2004-2009гг. - школа рэарганізавана ў базавую.
2008г. - праведзены капітальны рамонт будынка.
2009г.- школа рэарганізавана ў сярэднюю.
(Каптуровіч Сцяпан Іванавіч) (Пілецкая Вольга Фамінічна) (Гірза Вера Георгіеўна)
(З вучнямі 1984г.)
З 1991 года школа размешчана ў тыпавым двухпавярховым будынку, мае 15 вучэбных кабінетаў, актавую і спартыўную залы, сталовую, спартыўную пляцоўку са штучным пакрыццём, сталярную і слясарную майстэрні.
10.08.2022 22:13 - 11.08.2022 22:30